Tumbhi muhabbat kar ke dekho aaina acha lagne lage ga,
Jeena to phir jeena hi hay marna acha lagne lage ga.
Mur kar dekho kaun hay peeche, shayed koi apna hi ho,
Apna agar mil jaye koi to murna acha lagne lage ga.
Kiski nigah tumper hay jami, keyun tumko woh takta hay sada,
Aankhon mein uski jhank ke dekho takna acha lagne lage ga.
Shayed kahna chahta hay kutch, sun to lo keya kahta hay,
Mujhko yaqueen hay sun kar uski sunna acha lagne lage ga.
Khamosh raho aur kah na sako kutch, han aksar aisa hota hay,
Lekin bolti aankhon se kutch kahna acha lagne lage ga.
Tanhai se khelne wale tanha Khuda bhi rah nahin paya,
Dost ka sang ho phir to tanha rahna acha lagne lage ga.
Yun na akele chal pao ge rahein kathin hayn lamba safar hay,
Hath mein lelo hath kisi ka chalna acha lagne lage ga.
Akhtar Jawad
http://www.poemhunter.com/poem/tum-bhi-muhabbat-kar-ke-dekho/
