Ri-afirmimi i iniciativave për vendosjen e raporteve të reja të bashkëpunimit me Greqinë nga ana e qeverisë janë të vonuara dhe shterpe dhe nëse kësaj i shtohet edhe përkushtimi joserioz i kreut shtetëror duket qartë fundi i tyre akoma pa filluar. Kështu shprehen për Alsat-M ish diplomatët Denko Maleski dhe Alajdin Demiri duke komentuar iniciativat e qeverisë të promovuar ditë më parë. Me këtë hap, sipas tyre qeveria vetëm dëshiron të përfitojë kohë dhe asgjë më shumë.
"Ajo që unë frikohem kur bëhet fjalë për politikanët tanë, duket se kjo nismë sërish është bërë për të blerë kohë që të kalojë mandati pasi atë e vërej në sjelljen e politikanëve maqedonas që e udhëheqin shtetin. Është mungesa e vullnetit serioz për debat e cila do të çonte në pajtim të popullit maqedonas dhe grek",a ka deklaruar ish diplomati Denko Maleski.
"Edhe kësaj radhe do të jetë shterpe për arsye se është punë mbrapsht e nisur dhe mbrapsht do të përfundoj. Nevoja e brendshme e Maqedonisë është manovër për të përfituar në skenën ndërkombëtare duke I ikur problemit të vërtetë nga ana tjetër shikuar gjendjen aktuale në Greqi është e pamundur që një iniciativë e këtillë të jep fryt", u shpreh ish diplomati Alajdin Demiri.
Maleski madje në këto iniciativa njeh shumë elemente që përmban edhe Marrëveshja e përkohshme për të cilat asnjëherë më parë nuk është ngritur debat si për ekonominë, kulturën dhe historinë. 'Nuk jam I sigurt se me një deklaratë mund të kompensohet mungesa e vullnetit i cili është i qartë tek kreu shtetëror', shprehet më tej Maleski. Ndërsa Demiri thekson se sa më shumë zgjatë ky kontest pozitat e të dyja palëve në mënyrë konceptuale largohen.
"Tani kjo vjen në një kohë të vonuar. Kohë e vonuar nga ana maqedonase pasi ne tashmë jemi fundosur thellë në historinë e një ta quaj territori të cilin greket e konsiderojnë si të vetin dhe tani në ato bisedime duhet të fillojmë me tërheqjen e asaj që tashmë është bërë. Ndërsa pak e vonuar edhe nga pala greke pasi Greqia ndodhet në krizë serioze ekzistenciale ekonomike dhe nuk jam i sigurt se shoqëria greke dhe politikanët do të kenë kohë në përgjithësi t'i kushtojnë seriozisht vëmendje një iniciative të tillë", tha Maleski.
"Gjithsesi qasje e njëanshme e Maqedonisë mirëpo qasja e njëanshme edhe e Greqisë për kontestin e emrit është problem I cili nuk mund të zgjidhet për arsye se si kalon koha konceptualisht pozitat largohen dhe konceptualisht kjo I fundos edhe Maqedoninë në një oazë të izoluar nga ana tjetër tani më fillon të bëhet edhe peshë edhe për Greqinë për arsye se edhe ky problem I akumuloi target e Greqisë në politikën ndërkombëtare", theksoi Demiri.
Ndryshe dje qeveria doli më një sërë propozimesh për vendosjen e raporteve të reja të bashkëpunimit me Greqinë nga e cila pret qasje të re në zgjidhjen e çështjes së emrit, si vendosjen e dialogut ndërministror, nënshkrimit të një deklarate për miqësi dhe një sërë bashkëpunimesh tjetër mes institucioneve të të dyja vendeve. Gjyltene Rexhallari
