"Romeo dhe Zhulieta", ka qënë filmi i shfaqur në qytetin e Korçës nga regjisori shkodran Stefan Capaliu. Filmi dokumetar trajton mënyrën e jetesës së komunitetit rom dhe egjiptian në Shkodër, por tenton të përfshijë të gjithë romët dhe egjiptianët në Shqipëri. Problematikat në jetën e përditshme të tyre, mënyra e jetesës, gjendja ekonomike, janë çështje të cilat janë në qendër të këtij filmi.
Regjisori Capaliu nëpërmjet këtij filmi dokumentari përveçse kërkon të përçojë disa mesazhe dashurie ndaj këtij komuniteti, i mëshon me forcë idesë së integrimit të kësaj shtrese në shoqërinë shqiptare.
Filmi është shfaqur në ambjentet e Muzeut të Arsimit në Korçë, ku kanë marrë pjesë edhe shumë figura të artit shqiptar, si edhe pjesëtarë nga komuniteti rom dhe egjiptian.
