Bizneset monopol vijojnë të mbeten të lulëzuara në vendin tonë , pavarësisht se para 100 ditëshit të qeverisë, eskponentë të saj , deklaruan "luftëzero" për zhdukjen e tyre . Një e tillë është ajo e pullave fiskale , absurditeti i së cilës , e rendit Shqipërinë në një ndër rastet unikale në botë për mënyrën abusive të përftimit të parave nga biznesi që e disponon . Por përtej deklaratave që deri më tani mbeten të tilla, duket se ekzekutivi ka harruar liberalizimin e këtij tregu nga qeveria Berisha për miqtë e tij të afërt që përfitojnë shuma marramendëse nga një tregëti e tillë .Kosto e lartë për prodhimin e tyre, sjell për biznesin monopol të Samir Manes, një fitim neto të përllogaritur në 15 milionë euro në vit. Ndërmarrjet që i nënshtrohen regjimit të akcizës, siç është rasti i atyre të prodhimit të birrës, janë të detyruara aktualisht të blejnë nga një kompani me bazë në Zvicër, ku biznesmeni Samir Mane -- përfitues i madh i favoreve nga shteti në kohë të Berishës është aksioner, ose përfaqësues i saj në Shqipëri, pullat fiskale, që duhet të dëshmojnë pagesën e kryer të akcizës. Por, vetë këto pulla rezulton se kushtojnë pak a shumë sa vetë akciza!
Për 1.000 pulla kushtojnë 22 euro, pra një pullë e tillë fiskale kushton 3.08 lekë, çka është absurde, po të mendosh se bëhet fjalë për një copëz letre, mbi të cilën është hedhur një pikë bojë dhe për këtë biznesi duhet të paguajë 3.08 lekë, para këto, që natyrisht hyjnë në xhepin e biznesmenit Samir Mane. Për një litër birrë paguhet 12 lekë akcizë. Por, një litër birrë, që shitet edhe në tri kanaçe me kapacitet 0.33 litra secila, duhet të shoqërohet në treg me tri pulla, nga një për secilën kanaçe. Secila prej tyre ka një kosto prej 3.08 lekësh. Pra, i bie që për një litër birrë në treg duhet t'i paguhen shtetit 12 lekë akcizë, në një kohë që Samir Mane ka marrë për tri copa letre 9.24 lekë!!
Para se t'i jepte koncesionin e pullave fiskale Samir Manes, ish-Kryeministri Sali Berisha zhvilloi një takim me prodhuesit e birrës në vend për të diskutuar me ta problemin e akcizës. Ai tha në atë takim se "akcizën mund ta ul sa të doni ju, por lidhur me pullën fiskale, ajo është caktuar tashmë dhe nuk mund ta ul më". Shkurt kreu i qeverise do pranonte më pak para në buxhetin e shtetit dhe jo më shume para per ata që favorizonte.
