Gjithsej 23 helmime akute janë regjistruar gjatë natës së djeshme në Klinikën universitare të Toksikologjisë. Sipas drejtorit të kësaj klinike Andon Çibishiev, gjatë orëve të para të mëngjesit janë kontrolluar 23 pacient, ndërsa kjo është shifra më e vogël për pesë vitet e kaluara. Nga 23 të helmuarit me alkool të regjistruar, 15 janë meshkuj, dhe 8 femra, kurse pacienti më i ri ka qenë 14 vjeç dhe më i moshuari 40.
"Gjatë ndërrimit të moteve në klinikën universitare të Toksikologjisë janë kontrolluar gjithsej 28 pacient fakt ky që nuk na ka ndodhur gjatë 5 viteve të fundit. Nga këta 23 ishin të helmuar akut me alkool gjithashtu numër ky që nuk mbahet mend gjatë 5 viteve të fundit. Nga këta 23 të helmuarit me alkool, 15 ishin burra dhe 8 femra dhe për të përmendur është edhe fakti se prej tyre vetëm 11 janë pacientë nën moshën 18 vjeçare", tha Andon Çibishev, Drejtor i Toksikologjisë.
Ndërkohë, mbrëmë janë shënuar dhe disa incidente të lehta në mbarë Maqedoninë. Një automjet i Ndihmës së Shpejtë Mjekësore diku rreth mesnatës është sulmuar në lagjen Kisella Vodë ku nga dhjetëra të rinj është sulmuar shoferi i automjetit dhe mjekja kujdestare. Drejtoresha e Shtëpisë së Shëndetit-Shkup, Tatjana Baeva Vuçkoviq tha se shoferit të automjetit i është thyer dora dhe ka marrë tronditje në tru, kurse mjekja kujdestare nuk ka lëndime.
"Ajo që vërtet këtë 24 orësh e shënoi e që deri më tani asnjëherë nuk na ka ndodhur, 20 minuta para orës 12, një ekip i ndihmës së shpejt në lagjen Kisella Vodë, u sulmua ku lëndime në trup pësoi shoferi dhe ai me urgjencë u hospitalizua dhe gjendet për kurim në Urgjencë, kurse mjekja kujdestare ka marrë lëndime të lehta trupore dhe është lëshuar për kurim shtëpiak. Është mirë që të dy janë në gjendje stabile por një gjë e tillë deri më tani nuk ka ndodhur në profesionin tonë", u shpreh Tatjana B.Vuçkoviq, drejtore e Shtëpisë së Shëndetit Shkup.
"Jam i informuar dhe vërtet jam i dëshpëruar. Burreca, 10 persona kanë sulmuar një person i cili në vend që të jetë në shtëpi për vitin e ri me familjen e tij, ai ka qenë i angazhuar që tu jap ndihmë të sëmurëve", u shpreh Nikolla Todorov, Ministër i Shëndetësisë.
Ndërkohë, Ministrja e Brendshme Gordana Jankullovska tha se nata e ndërrimit të moteve në Maqedoni ka kaluar qetë dhe pa prishje serioze të rendit dhe qetësisë. Sipas saj në vend janë evidentuar vetëm 20 incidente, numër ky shumë i vogël nga ai i zakonshmi.
"Një nga incidentet I cili mund të karakterizohet si një ndër më seriozët është incidenti që ndodhi në Kisella Vodë ku është sulmuar makina e ndihmës së shpejtë, ku ka lëndime të rënda trupore dhe mund të them se veç më kemi informata fillestare dhe presim që shpejtë ky incident të zbardhet në tërësi. Ndryshe gjatë natës kishte edhe tentime për vjedhje ku kryesisht grabitësit u kapën në vend ngjarje dhe ndonjë vepër të ulët që nuk janë karakteristik vetëm për ditët festive por janë të zakonshme", deklaroi Gorrdana Jankullovska, Ministre e Brendshme.
Mbrëmja e ...
