Rregullorja e re për Ngrohtoret do miratohet deri në fund të muajit, thotë kreu i Komisionit Rregullativ Energjetik Dimitar Petrov. Por, forma që pritet të miratohet do të shkaktoj debate të jashtëzakonisht në opinon. Sipas paralajmërimeve ajo parashihet të gjithë ata të cilët janë të shkyçur nga sistemi, të kyçen sërish, pa u pyetur fare nëse duan apo jo të jenë pjesë e atij sistemi të ngrohjes qendrore. Por ata qytetarë që do të jenë këmbëngulës dhe assesi nuk do duan të jenë pjesë e rrjetit të Ngrohtores, për t'u shkyçur do të duhet të marrin pëlqimin e 80 për qind të fqinjëve të tyre. Pasi të sigurohet ky pëlqim qytetari do të shkyçet. Megjithatë, përsëri do duhet ta paguaj faturën për ngrohje qendrore. Këtë herë tarifa do të jetë 20 për qind nga vlera e faturës së përgjithshme për ngrohje. Por ndaj propozimeve të këtilla kanë reaguar nga zyra e Avokatit të Popullit. Ata thonë se kjo rregullore është e diskutueshme për disa arsye. Një se qytetarit nuk i jepet mundësia për të zgjedhur në çfarë mënyre do të ngrohet në sezonin e ri të ngrohjes, dhe se do tu imponohen detyrime për shërbime që nuk i përdorin. Nga zyra e Avokatit të Popullit tashmë i kanë dorëzuar vërejtjet ndaj rregullores, por nuk e dinë nëse pas kësaj Komisioni do të pranojë disa nga këto vërejtje. Por edhe nëse miratohet kjo rregullore, opsioni i vetëm për kontestimin e saj është që qytetarët të fillojnë procedurën para Gjykatës Kushtetuese, që të verifikohet kushtetutshmëria e vendimit të Komisionit Regullator. Gjasat për anulimin e rregullores së re janë reale pasi një vendim i këtillë ishte miratuar edhe në vitin 2007 por që ishte shfuqizuar nga Gjykata kushtetuese. Verica Pavlloska
