Ishte momenti i fundit që Cërvenkovski të ndërgjegjësohej politikisht. Ai ishte bërë prej kohësh pengesë duke e çuar në dështime partinë. Kështu shprehet analisti Alajdin Demiri sipas të cilit LSDM-së tani i duhet një ri-formatim, si nga ana strukturore ashtu edhe nga njerëzit. Ndërsa Vlladimir Bozhinovski vlerëson se disfata e fundit nga zgjedhjet lokale është një ndër shkaqet që e shtyu liderin opozitar Cërvenkovski për të ndërmarrë një hap të tillë.
"Më në fund filloi të veprojë vetëdija dhe ndërgjegjja politike e kryetarit të LSDM-së me të cilën ai më në fund tregoi një pjekuri dhe vetëdije politike dhe u tërhoq nga LSDM-ja. Fakti që ai filloi të bëhet pengës, jo partia, e detyruan në një farë mënyrë Branko Cërvenkovskin që të largohet. Tash është faza e dytë, faza tjetër e konsolidimit të partisë politike", deklaroi Alajdin Demiri, analist politik.
"Disfatën e fundit që e përjetoi LSDM-ja në zgjedhjet lokale e imponoi edhe vendimin përfundimtarë për kërkimin e përgjegjësisë brenda radhëve të saj dhe jo siç ishte praktikë e deritanishme që fajtori të kërkohet gjithmonë diku jashtë. Megjithatë ky vendim është i vonuar sepse pas disfatës në zgjedhjet parlamentare duhej të vije deri tek ndërrimi i udhëheqësisë së LSDM-së", tha Vlladimir Bozhinovski, analist politik.
Sipas Bozhinovskit, lista e kandidatëve të mundshëm për kryetar të ri të LSDM-së duhet të zgjerohet, sepse emrat që po qarkullojnë në opinion dalin nga vetë LSDM-ja dhe janë të ndikuar nga vetë lideri në largim.
"Sinqerisht mendoj se kjo listë duhet të zgjerohet, sepse Zoran Zaev ishte ushtrues detyre kryetar i LSDM-së, ai kishte një falje nga Cërvenkovski dhe shtrohet pyetja se sa ai mund të jet i pavarur. Sa u përket Igor Ivanovskit dhe Zoran Jovanovskit ata janë njerëz të sjellë në LSDM direk nga zoti Branko Cërvenkovski, dhe mendoj se lojaliteti i tyre është ndaj Cërvenkovskit. Këtu shtrohet pyetja se sa ata do të mund të krijojnë perceptim tek qytetarët se do të diktojnë një politikë të re e cila do të jetë e pavarur nga ndikimi i Cërvenkovski dhe Kire Naumov i cili vjen si një aut-sajder", tha Vlladimir Bozhinovski, analist politik.
"Lider deri tani nuk ka lejuar Cërvenkovski që të krijohet dhe kjo është ajo faza në të cilën do të duhet të krijohet. A do të jetë procesi i shpejtë, me siguri se nuk do të jetë por janë disa faza të cilat do të vijën do të pasojën dhe do ti ndihmojnë LSDM-së në strukturimin asaj. Është Shkupi 2014, është me gjithë gjasat edhe ndryshimi i emrit që do të ndodhë nga presionet e ndryshme dhe gjithë kjo tregon se LSDM-ja do të paraqitet dhe do të kthehet si një parti mjaftë e strukturuar dhe mjaftë e fuqishme", u shpreh Alajdin Demiri, analist politik.
Deri tani, kandidaturat e tyre i kanë konfirmuar Zoran Zaevi dhe Kire Naumovi, ndërsa si kandidat të mundshëm për fronin e Cërvenkovskit përmenden edhe Igor Ivanovski dhe Zoran Jovanovski. Bedri Rexhallari
