Manifestimi i sotëm për ndërrimin e flamujve shtetëror që u realizua përmes një marshi të armatës së Maqedonisë nga sheshi deri para ndërtesës së qeverisë, mahniti qytetarët që dolën për të ndjekur këtë aktivitet të parë të ARM-së. Marshi që u përcoll nga orkestra e ARM-së zgjoi kureshtjen e shumë kalimtarëve që u ndodhën në ato momente në qendër të Shkupit. Shumica prej tyre xhiruam me celularët e tyre, të tjerët imituan orkestrën por nuk munguan edhe ata që ndërprenë punën për ta përshëndetur ushtarakisht.
"Jam e mahnitur, më vjen për të qarë, këta të rinj që janë këtu, nuk kam fjalë, shumë bukur është, më kujton vitet e rinis sime, tani jam 70vjeç".
"Po shumë bukur, nuk kam fjalë, duhet të shihet se ne kemi diçka kemi ushtri, polici siguri".
"Isha e mahnitur, ishte diçka e bukur".
"Shkëlqyeshëm, shumë bukur".
Marshi i njësitit gardist të ARM-së përfundoi para ndërtesës së qeveris me një manifestim. Të pranishëm në këtë ceremoni ishin ministra, persona publik dhe nxënës të shkollave të mesme. Ky manifestim siç theksojnë nga qeveria bëhet me qëllim të ngritjes së ndjenjës dhe respektit ndaj flamurit shtetërorë si simbol i shtetësisë. Manifestimi për ndërrimin e flamujve do të realizohet në çdo dy javë para qeveris dhe presidencës ndërsa një herë në muaj para parlamentit të Maqedonisë edhe atë çdo të premte të fundit të muajit. Ndërrimi i flamujve edhe në të ardhmen do të bëhet në mënyrën e njëjtë duke ftuar mysafir të ndryshëm për të marr pjesë në ceremoni. Gjyltene Rexhallari
