http://www.vizionplus.tv
http://www.twitter.com/VizionPlusTv
http://www.facebook.com/vizionplustvpage
Bletët mund te shpëtojnë njerëzimin nga virusi HIV-AIDS. Kjo shprese vjen pas studimit te një grupi shkencëtaresh ne shkollën e mjekësisë ne Universitetin e Uashingtonit. Hulumtuesit kanë zbuluar së fundi se helmi i bletëve mund të shkatërrojë virusin pa i dëmtuar qelizat trupore, zbulim ky që mund të hapë dyert e krijimit medikamenteve anti-HIV. Shkencëtarët kanë kuptuar se toksina e quajtur "melitin", e cila gjendet në helmin e bletëve mund të shpërbejë fizikisht virusin vdekjeprurës. Hulumtuesit kanë lidhur melitinin me nanogrimcat të cilat janë fizikisht më të vogla se molekulat HIV, duke mundësuar kështu sulmin nga shtresa e jashtme e virusit dhe duke e shkatërruar atë pa i dëmtuar qelizat trupore. Për shkak se sulmet e toksinës bëhen nga shtresa e jashtme, virusi nuk mund të zhvillojë rezistencë ndaj substancës, duke krijuar mënyrë më efektive në shkatërrimin e virusit. Joshua Hood, nje nga autoret e studimit është shprehur optimist se ilaçi do te ndaloje përhapjen e infeksionit ne vendet ku virusi është me prezent. Grupi hulumtues planifikon të testoje së shpejti xhelin anti-HIV në kushtet laboratorike.
