http://www.vizionplus.tv
https://facebook.com/VizionPlusTV
https://twitter.com/VizionPlusTV
Subjektet e biznesit të vogël nuk presin rregullisht kuponin tatimor për konsumatorin që është blerës i produkteve të ndryshme. Në qytetin e Durrësit shumë subjekte të biznesit të vogël i bëjnë llogaritë mirë për të mos e kaluar shumën e deklaruar të xhiros në fillim të vitit. Kjo është arsyeja që shumë biznese nuk i pajisin të gjithë klientët e tyre me kuponin tatimor. Qytetarët shprehen se në shumicën e rasteve e kanë marrë kuponin, ndërsa shtojnë se edhe vetë janë treguar neglizhentë apo indiferentë në lidhje me këtë problem. Moslëshimi i kuponit tatimor nga subjektet e biznesit të vogël shkakton evazion fiskal, pasi organet tatimore në bazë të të dhënave të kasës fiskale do të ndryshonin nivelin e tatimit për çdo subjekt në vitin pasardhës. Në kushtet kur është e pamundur kontrolli i vazhdueshëm i subjekteve për prerjen e kuponit tatimor, organet tatimore janë detyruar që të pranojnë deklarimin vullnetar të xhiros çdo fillim viti.
