http://www.vizionplus.tv
https://facebook.com/VizionPlusTV
https://twitter.com/VizionPlusTV
Mediat në Prishtinë shkruajnë se Gjykata ka pranuar kërkesën e bllokut LDK-AAK-Nisma që para se të merret një vendim për seancën konstuitive, të ketë një ballafaqim të pretendimeve, më 21 gusht. Palëve do t?u jepet mundësia që t?i paraqesin shkurtimisht argumentet përmes prezantimeve me gojë. Koalicioni i partive opozitare, pretendon se u takon atyre drejtimi i Kuvendit, pasi i kanë votat për këtë. Në seancën e parë të legjislaturës së re, ata votuan për zgjedhjen në krye të Parlamentit të liderit të LDK-së, Isa Mustafa, në kohën kur PDK ishte larguar nga salla. Këta të fundit iu drejtuan Gjykatës, pasi pretendojnë se zgjedhja ishte anti-kushtetuese, sepse u bë në kohën kur drejtuesja e seancës, deputetja më e vjetër që vinte nga radhët e PDK-së Flora Brovina, e kishte mbyllur atë. Pak ditë më parë, Gjykata Kushtetuese e pezulloi përkohësisht Mustafën si kryeparlamentar, deri në vendimin përfundimtar. Zgjidhja e kësaj çështjeje, ka bërë që edhe Presidentja Jahjaga, të presë për mandatimin e qeverisë së re.
