http://www.vizionplus.tv
https://facebook.com/VizionPlusTV
https://twitter.com/VizionPlusTV
Shqipëria e 2014-ës duket se përkufizohet mrekullisht me këto fjalë të Papa Françeskut. Në kërkim të asaj shprese që sugjeroi Ati i Shenjtë u përshkruan 12 muajt e fundit të historisë së vendit të shqiponjave. Dhe për të mbërritur aty, duket se u prekën të gjitha: Zoti e Papa, shteti dhe autoriteti, vrasjet e bujshme, bojkoti, droni e dinjiteti mbi Beograd, burgu si fjalë magjike, hapat e qeverisë, por edhe protestat e bujshme të një opozite, që gjithshtu po buzqëqesh. Shqipëria u end mes flakëve të hashashit dhe pluhurit të shkatërrimit të ndërtesave ilegale, mes tmerrit të kasaphanave të përgjakshme në mes të Tiranës dhe vjedhjes së thesarit të Bankës. Ishte e preferuar në Berlin, por edhe bëri xhiron e botës, kur avioni me drogë u ul në mes të plazhit ditën për diell.
