Ish kryeministri Sali Berisha u shpreh gjatë një prononcimi për mediat, jashtë Kuvendit se mazhoranca u revoltua pas denoncimeve të tij për korrupsion.
Duke iu referuar sherrit që solli edhe ndërprerjen e seancës së Kuvendit, Berisha tha se hidhen përpjetë dhe mendojnë se me gjuhë rrugeçërish dhe ordinerësh, do të mbulojnë gjurmët e tyre.
Ai akuzoi socialistin Erion Braçe dhe kryetarin e Bashkisë së Divjakës, Fredi Kokoneshi se kanë përfituar 1.2 milionë dollarë nga tenderi i rikonstruksionit të një rruge.
"Siç e shihni beteja me kusarët është jetë a vdekje. Këtu në parlament solla dokumente që dëshmojnë vjedhjet më flagrante dhe më të paimagjinueshme me firma dhe vula të tyre. Dokumentet faktojnë se Safet Gjici nga 6 tenderë në 2013, ka marrë vitin e kaluar 58 tenderë. Një kompani kjo. Sadri Abazi nga asnjë tender në 2013-ë, fiton në 2015-ën, 16 tenderë. Solla dokumente të pakundërshtueshme. Pjerin Ndreu, nga 4 tenderë në 2013-ën, 16 tenderë ka marrë në 15-ën. Dokumente origjinale. Fredi Kokoneshi, kryetar i Bashkisë Divjakë, shpall fitues, dhe të dhënat janë se bashkë me deputetin kandar 1 mln dollarë, shpall fitues kompaninë me një tender 370 mln do limit, eliminon kompanitë që kanë ofruar çmimin më të lirë. Kokoneshi bashkë me kokoneshin këtu në parlament, kanë futur në xhepa 1 milionë dollarë. Vijmë te rruga Edi Rama në fshatin Linzë. Shpenzohen 9.9 mln dollarë, në një kohë kur e gjithë rruga nga Lini në Pogradec është prokuruar me 21 mln dollarë. Drejtori i ujësjellësit, kryesocialisti i pogradecit, i vendos veten 2.5 mln, dhe me kaparë që nëse ikën nga puna ka të drejtë të shpërblehet me 50 milionë lekë. Vendosmëria jonë për të luftuar është absolute. Deputeti që thoni ju u akuzua direkt nga unë për një seri tenderash të Bashkisë së Divjakës, njëri prej të cilëve është ky që thotë se fondi limit për sistem rrugës martir 3 urra 337 mlionë, e fiton salillari 317 mln, përjashtohet kompania me ofertë 212 milionë. Në 3 milonë dollarë, këta vjedhin 1.2 milonë dollarë, dijeni se vjedhja është 40%. Nuk është vetëm Kokoneshi, por është edhe deputeti. Po të isha deputet i asaj zone, e denoncoja aty dhe zotohesha para zgjedhësve se Kokoneshin do ta referoja në Prokurori. Po të isha deputet i asaj zone s?do thosha se s?ka pistë avioni, se s?ka rrugë kur rrugën e kisha shtruar unë. Kur bën këto, do të thotë se në tavë", u shpreh Berisha.
