Subscribe në Ora News këtu http://bit.ly/1s5j7UT
Linja e interkonjeksionit, projektet në sektorin energjitik dhe në fushën e ekonomisë kanë qenë teme e bisedimeve mes zv.kryeministrit Peleshi dhe një delegacioni të Qeverisë gjermane të kryesur nga z Schattschneider. Zv/Kryeministri Peleshi tha se Shqipëria ka bërë progres të qëndrueshëm në hartimin e strategjisë së këtyre projekteve.
Bashkëpunimi ekonomik ka qenë në fokus takimit të zhvilluar mes zv/Kryeministrit Niko Peleshi dhe një delegacioni të Qeverisë së Republikës Federale të Gjermanisë të kryesuar nga Z. Schattschneider.
Duke vlerësuar Gjermaninë si një partner strategjik, Peleshi tha se Qeveria shqiptare ka bërë progres në hartimin e disa projekteve në infrastrukturë.
Peleshi: Vlerësoj procesin e Berlinit dhe dua të theksoj së në këtë drejtim Shqipëria ka bërë progres të konsiderueshëm duke përcaktuar prioritetet në disa projekte infrastrukturore rajonale, sic është përgatitja e strategjisë për linjën e interkonjeksionit. Disa prej këtyre projekteve janë financuar dhe mund të financohen në vijim nga qeveria gjermane.
Ndërsa Schattschneider tha se përcaktimi i strategjisë është një hap më tej për të vijuar këtë bashkëpunim.
Schattschneider: ?Është kënaqësi për ne të mund të diskutojmë rreth riorientimit strategjik të përshtatshëm të bashkëpunimit gjermano-shqiptar. Ne kemi dëshirën të gjejmë rrugë, përmes të cilave të përshpejtojmë edhe më shumë përmbylljen e programeve tona të përbashkëta.?
Bisedime të këtij niveli zhvillohen cdo dy vjet dhe kanë në fokus bashkëpunimin, mes dy vendeve në fusha të ndryshme të ekonomisë.
Për më shumë lexoni në:http://www.oranews.tv/vendi/bashkepunimi-gjermano-shqiptar-prioritet-energjia-dhe-linja-e-interkonjeksionit/
