Subscribe në Ora News këtu http://bit.ly/1s5j7UT
Pas debateve mes zyrtarëve grekë dhe shqiptarë janë emigrantët shqiptarë ata që po hasen me refuzimin pa arsye në kufi, duke u refuzuar me dhjetëra vetëm në 24 orët e fundit pa arsye konkrete. Analistët dhe politologët e vlerësojnë të padrejtë këtë qëndrim të autoriteteve greke.
Përplasjet në distancë midis politikës shqiptare dhe asaj greke po kthehen në një kosto për emigrantët shqiptarë.
Vetëm në 24 orët e fundit konstatohet rreth 60 emigrantë të kthyer.
Për analistin, Mentor Nazarko, qëndrimi i autoriteteve greke me emigrantët nuk është i duhuri.
Nazarko: Një reagim burracak që reflektohet mbi jetët normale të individëve që komunikojnë lirisht, që kanë familjet e tyre apo që bëjnë biznes me Greqinë.
Për politologun, Afrim Krasniqi, reagimet e politikës shqiptare për përplasjet në distancë me Greqinë, e kaluan sensin diplomatik.
Krasniqi: Pala greke e ka mbajtur maksimumin në nivelin e Ministrit të Jashtëm, kurse tek ne u përfshinë politikanë deri në debat parlamentar duke kaluar sensin e sjelljes diplomatike me një vend si Greqia.
Për më shumë lexoni në: http://www.oranews.tv/vendi/nazarko-kthimi-i-shqiptareve-qendrim-burracak-i-greqise/
