Subscribe në Ora News këtu http://bit.ly/1s5j7UT
Shfaqja me regji të Armand Borës, ?Ata hyjnë pa trokitur? është ngjitur në skenën e teatrit të Durrësit. E mbështetur nga OSBE, drama synon të prezantojë realitetin e të shkuarës komuniste me të tashmen, duke përballur dy kohët. Shfaqja është një mënyrë njohje e të kaluarës për të rritur sigurinë drejt të ardhmes demokratike.
?Ata hyjnë pa trokitur? është shfaqja që përmes artit synon të përcjellë realitetin e të kaluarës komuniste dhe aktualitetit në vend.
Me mbështetje të prezencës së OSBE-së, shfaqja erdhi për publikun falë interpretimit të aktorëve Alfred Trebicka dhe Rozi Kostani me regji të Armando Borës.
Armando Bora:Ka qenë një tmerr i vërtetë dhe pikërisht për këtë gjë nuk flitet më për vrasje, për krimet, për përdhunimet, për transformimet e pronës, për vrasjen e qytetarisë, për vrasjen e intelektualëve, të mendjes.
Alfred Trebicka: Jo po hyjnë pa trokitur, por këta kanë hequr dhe derën. Nuk ka fare, hyjnë ku të duan, bëjnë si të duan, bëjnë çfarë të duan dhe janë më të rrezikshëm sesa ata të Sigurimit të Shtetit. Se ata dhe të thoshin.
I pranishëm, kreu i Departamentit Ligjor në OSBE,l Pietro Sardaro, vlerësoi se sjellja në kujtesë e përiudhës së diktaturës është e rëndësishme për shoqërinë shqiptare, pasi duke njohur të shkuarën, ecin të sigurt drejt një të ardhme demokratike.
Për më shumë lexoni në: http://www.oranews.tv/kultura/shfaqja-per-te-kaluaren-komuniste-rrugeton-ne-durres/
