Subscribe në Ora News këtu http://bit.ly/1s5j7UT
Mijëra hektarë tokë e qindra banesa mbeten në pushtetin e Ujit në Fier e Vlorë, dy bashkitë me të prekura nga vëshimi i Vjosës. Disa dhjetra familje janë evakuuar, por shifrat zyrtare mungojnë. Kamera e Ora News udhëtoi mes fshatrave të përmbytura, ku banorët vijojnë të përballen me pasojat e vëshimit të Vjosës, kur ende nuk kanë lënë pas kujtimet e hidhura të dhjetorit të kaluar. Në Novoselë e Ferras lëvizet vetem me cizme, ose mjete të rënda të ushtrisë, të cilat sot u përdoren për të dërguar disa njerëz në një varrim.
Ndërprerja e reshjeve të shiut po ndikon në përmirësimin e situatës në zonat e përmbytura në Fier e Vlorë, por tërheqja e ujit po zbulon pasojat që po lë pas.
Me rreth 4 mijë hektarë tokë dhe mbi 110 banesa nën ujë, përmasat e përmbytjes në Fier janë të ngjashme me atë të fillimdhjetorit.
Ferrasi është fshati më i prekur, ku për të lëvizur duhet të kesh çizme ndërsa për të dalë mjete të rënda.
30 banorëve iu desh ndihma e forcave të ushtrisë për të shkuar në një varrim në fshatin Qarr, pasi rruga kombëtare në hyrje të Levanit është e pakalueshme.
Përmbytja e dytë në muaj, i ka irrituar banorët e fshatit të cilët thonë se tashmë kanë humbur gjithçka kishin, kur ende nuk kishin marrë dëmshpërblimet e vitit të kaluar.
Për më shumë lexoni në: http://www.oranews.tv/article/post-permbytjeve-ne-varrim-me-makina-ushtrie-ne-fshat-levizet-me-cizme
