Kreu i Ministrisë së Financave Arben Ahmetaj kërkon nga bizneset që operojnë në fushën e turizmit që të ndërgjegjësohen dhe të deklarojnë çdo qindarkë që qarkullohet pasi kontrollet gjatë sezonit turistik nuk do të ndalen. Ahmetaj tha se qëllimi nuk është te ndëshkimi i sipërmarrësve, por vendosja e rregullave të barabarta për të gjithë. Në këtë rast ai ftoi që të denoncohen edhe inspektorët që abuzojnë me subjektet private.
Gjatë një takimi me bizneset në Himarë, kreu i Financave tha se do të investohen 250 milion euro në zonat turistike.
Qeveria pret që këtë vit turizmi të ketë një rritje dy shifrore, ndërsa në 2019-n ekzekutivi do të krijojë një portofol të posaçëm për bashkitë me qëllim rritjen e shërbimeve për turistët.
