Turqia i kërkon Shqipërisë të mbyllë institucionet antiturke në Shqipëri si dhe të ekstradojë elementët e organizatës "FETO". Ministri i jashtëm turk Mevlut Çavushogllu i cili po qëndron për vizitë në Shqipëri deklaroi se elementët e organizatës që Turqia e quan terroriste, kanë depërtuar jo vetëm në sistemin arsimor por dhe në nivele të larta shtetërore në Shqipëri. Duke kërkuar ekstradimin e tyre, Çavushogllu bëri të ditur se Turqia i ka vënë në dispozicion listën me emrat dhe pret që shteti që ai e quajti "mik" ta bëjë sa më parë. Shefi i diplomacisë shqiptare Bushati nuk pranoi të komentojë duke u shprehur se çështje të tilla zgjidhen në rrugë diplomatike dhe jo me konferenca shtypi.
