Kancelarja gjermane Angela Merkel dhe presidenti francez Emanuel Makron hapin në Berlin konferencën për Ballkanin Perëndimor, me theks të veçantë raporti mes Kosovës dhe Serbisë. Delegacioni i Maqedonisë udhëhiqet nga kryeministri Zoran Zaev i cili do të zhvillojë edhe takime tet a tet me Merkelin dhe Makronin. Sipas mediave gjermane, Gjermania do ta shfrytëzojë këtë mundësi për të bindur Francën se Maqedonia e Veriut, në qershor, meriton datë për fillim të negociatave për anëtarësim në BE.
