#tvora #rtvoranews
Operatorët e transportit urban në kryeqytet nuk tërhiqen nga vendimi për të mos nisur shërbimin, pavarësisht paralajmërimit të kryebashkiakut Veliaj për heqje licence. Ata thonë se rikthimi është i pamundur për shkak të pamundësisë ekonomike, dhe problemeve legale që shkakton protokolli anti-covid.
"Për transportin ajror nuk mban përgjegjësi operatori, as piloti i avionit dhe as stjuardesa. Por në transportin urban duhet të mbajnë përgjegjësi shoferi i mjetit bashkë me fatorinon e mjetit. Në transportin ajror nuk ka asnjë ndalesë në kapacitetin e tij. Pra 100% e kapacitetit të avionit.Cili është kuptimi që në rast se ne udhëtojmë nga Tirana në Angli katër orë të ulur bashkë dhe virusi nuk vjen, ndërsa në transportin publik që mund të lëvizësh 20 minuta në një distancë 1 metër, virusi mund të të prekë ty?!Ky nuk është një virus online" deklaron për Rtv Ora Ervin Shijaku.
Mbi këtë argument, përfaqësues të shoqatave të transportit urban, theksojnë dhe një herë se nuk do të rifillojnë shërbimin.
Edhe në mbledhjen e organizuar këtë të mërkurë, ata vendosën të mos tërhiqen nga vendimi, pavarësisht paralajmërimit të kryetarit të bashkisë së Tiranës për heqjen e licencave.
Ervin Shijaku: Nuk është problemi heqja e licencës së një operatori, problemi është zgjidhja e një ngërçi që tu ofrojmë shërbim publik qytetarëve. U largua një operator, erdhi një tjetër, problemi do të jetë i njëjtë. Edhe ai operator nuk do të mund të vazhdojë shërbimin.
Nga ana tjetër, thonë se nga autoritetet nuk kanë asnjë përgjigje për kërkesat e parashtruara.
Ervin Shijaku: Balluku thoshte do të rimbursojë 30% të kapacitetit të munguar në bazë të protokollit, këto nuk janë premtime elektorale por të realizuara. Nëse Ministrja kërkon të rimbursojë operatorët duhet të nxjerrë një akt nënligjor për rimbursimin e tyre dhe jo deklarata në televizor dhe facebook.
Dy-tri linja kanë rinisur me kufizime punën, ajo Tiranë-Ndroq dhe e Farkës së Madhe.
Ndërsa të tjerat vijojnë të mbeten të pezulluara.
Në këtë mënyrë, qytetarët do të vijojnë të mbeten peng i përmbushjes së kërkesave nga ana e autoriteteve, pasi operatorët e urbanëve nuk tërhiqen nga pezullimi i aktivitetit.
Për më shumë lexoni në: https://www.oranews.tv/article/kur-do-te-rinisin-urbanet-ne-tirane
Follow TV Ora dhe RTV Ora News
Subscribe To "Ora News" on YouTube Channel for NEWS HERE: http://bit.ly/2DDddtL
Subscribe To "Ora News" on YouTube Channel for TV Shows HERE http://bit.ly/2sPcqj3
For more content from click HERE www.oranews.tv
Like Ora News on Facebook HERE http://bit.ly/2RkUN4s
Follow Ora News on Instagram Here http://bit.ly/2HBuiID
Follow Ora News on Twitter http://bit.ly/2RhOaQp
